Marathi Recipes

साहित्य :  1 कप मका आटा, 1/2 कप मैदा, 1 चमचा तेल, 1/2 चमचा मीठ, तेल. इतर लागणारे साहित्य :  1 टोमॅटो, 1 मोठा कांदा, 1 उकडलेला बटाटा, बारीक चिरलेली कोथिंबीर,1/4 कप हिरवी चटणी, चिंचेची चटणी स्वादानुसार, मीठ, तिखट व जिरे पूड. कृती :  टाको तयार करण्यासाठी मक्याच्या कणकेत मैदा आणि मीठ मिसळावे. यात तेल व आवश्यकतेनुसार कोमट पाणी घालून कणीक भिजवावी. या कणकेच्या गोळ्याला 1/2 तास ओल्या कपड्याने झाकून ठेवावे. नंतर त्याला डायमंडशेपमध्ये कापून तळून घ्यावे. कांदा, टोमॅटो, बटाटा बारीक चिरून घ्यावे. एका मोठ्या बाउलमध्ये टाकोला हाताने कु्स्करून त्यात टाकावे व बाकी उरलेले सर्व साहित्य घालून लगेचच सर्व्ह करावे. ही मॅक्सिकन भेळ खाण्यात फारच रुचकर लागते.

साहित्य:  नरम भुट्टे 1 किलो, दिड कप बेसन, 1 शिमला मिरची, 1 कांदा ( बारीक चिरलेला), 1 चमचा आले-हिरवी मिरची पेस्ट, चिमूटभर हींग, एक चमचा बडीशेप, मीठ आणि तेल. कृती:  सर्वात आधी भुट्टे किसून घ्या. यात बेसन, चिरलेल्या भाज्या, मीठ, आले-‍ मिरची पेस्ट, हींग आणि बडी शेप टाकून मिश्रण तयार करा. आता कढईत तेल गरम करा. या मिश्रणाची भजी टाकून गोल्डन होयपर्यंत तळा. किचनपेपर वर काढा. सॉस किंवा चटणीसोबत गरम- गरम भजी सर्व्ह करा.

साहित्य :  २-३ पातीचे कांदे, एक गाजर, एक बटाटा, २-३ वांगी, अर्धी-पाऊण वाटी सोलाणे, थोडेसे मटाराचे दाणे, वालपापडीच्या (ऊसावरच्या) शेंगा, शेपु, लसणीची पात,कांद्याची पात, एखादा मुळ्याचा तुकडा, २-४ फ्लॉवरचे तुरे, तीळाचं जाडसर कुट, मोहरी, धण्याची पुड, हळद, तिखट, गोडा मसाला किंवा काळा मसाला, मीठ, फोडणीसाठी तेल, हिंग, गुऴ. विधी :  सर्वप्रथम पातीचा कांदा उभा चिरून घ्यावा. सगळ्या भाज्या चिरून-निवडून घ्याव्यात. कढईत हिंग-मोहरीची फोडणी करून त्यात कांदा परतून घ्यायचा. चिरलेल्या भाज्या -पात फोडणीत घालून त्यात मीठ मसाला आणि तिळाचं कुट घालून वाफ आणायची. आवडत असल्यास थोडा गुळ घालायचा.

साहित्य :  650 ग्रॅम चिकनचे तुकडे, 2 मोठे चमचे टोमॅटो प्युरी, 2 पाकळ्या लसूण, 2 हिरव्या मिरच्या चिरलेल्या, 2 सुक्या लाल मिरच्या, 1/2 चमचा मीठ, 1/4 चमचा साखर, 1 चमचा तिखट, 1/2 चमचा काळे मिरे, 1 चमचा चिकन मसाला, 1 मोठा चमचा तेल, 1/2 चमचा जिरं, 1 कांदा चिरलेला, 2 तेजपान, 1-1 चमचा धने व जिरे पूड, 1/4 चमचा हळद, 400 ग्रॅम टोमॅटो चिरलेले, 3/4 कप न पाणी, 1 चमचा गरम मसाला, 4 हिरव्या मिरच्या लांब लांब कापलेल्या. कृती :  टोमॅटो प्युरी, लसूण, हिरवी मिरची, साबूत मिरच्या, मीठ, साखर, तिखट, काळे मिरे व चिकन मसाला, हे सर्व पदार्थ मिक्सरमधून काढून घ्यावे. पॅनमध्ये तेल गरम करून जिऱ्याची फोडणी द्यावी. नंतर कांदा आणि तेजपान टाकून चार-पाच मिनिट फ्राय करावे. मसाल्याची पेस्ट घालून चांगले परतून घ्यावे. नंतर त्यात चिकन व गरम मसाला घालून वीस-पंचवीस मिनिट शिजवून घ्यावे. सर्व्ह करताना लांब कापलेली हिरवी मिरची सजवावी आणि चापाती सोबत वाढावे.

साहित्य :  500 ग्रॅम बोनलेस चिकन धुवून स्वच्छ केलेले, 8-10 चिकन सींक, 2 मोठे चमचे टोमॅटो सॉस, 1 लहान चमचा पांढरा सिरका, 1 मोठा चमचा चिली सॉस, 1 मोठा चमचा कॉर्नफ्लोर, 1 अंडा, चवीनुसार मिरे पूड व मीठ, 1 मोठा चमचा बटर आणि मस्टर्ड सॉस. कृती :  एका भांड्यात टोमॅटो व चिली सॉस, सिरका, अंडा, मीठ व काळे मिरे आणि कॉर्नफ्लोर टाकून फेटून घ्यावे. यात चिकन मेरीनेट करण्यासाठी ठेवावे. एक तासानंतर चिकनला चिकन सींकमध्ये लावावे. बटरने ब्रशिंग करावे. प्रत्येक सींकला ओव्हन किंवा मायक्रोवेव्हमध्ये सोनेरी होईपर्यंत शेकावे. जर सींक नसेल तर नॉनस्टिक पॅनमध्ये बटर घालून चांगले भाजावे. लाकड्याची सींकमध्ये लावून मस्टर्ड सॉस किंवा सॉस सोबत सर्व्ह करावे.

एग रोस्ट बनविण्याचे सामग्री- उकडलेली अंडी – 4, कांदे बारीक चिरलेले -2 कप, हिरव्या मिरच्या 5, टोमॅटो 2, लाल तिखट -1 चमचा, धनेपूड – 1 चमचा, हळद-1/2 चमचा, गरम मसाला-1 चमचा, आले –लसूण पेस्ट –1 चमचा, कढीपत्त्याची पाने, कोथिंबीर, तेल, मीठ, मोहरी. एग रोस्ट बनविण्याची कृती- सर्वप्रथम तीन चमचे तेल गरम करा आणि त्यात मोहरी घाला. आता ह्यात कढीपत्त्याची पाने आणि आलं-लसूण पेस्ट घाला. थोडावेळ ढवळा. कांदा लालसर होईपर्यंत परता. हिरव्या मिरच्या घाला आणि परत ढवळा. आता धनेपूड, लाल तिखट, हळद आणि गरम मसाला घाला.पुन्हा व्यवस्थित ढवळा. थोडे पाणी घाला आणि पुन्हा ढवळा. आता तुम्ही मीठ आणि कापलेले टोमॅटो घालू शकता. तीन मिनिटे हे मिश्रण शिजवा. जेव्हा हे ऊकळेल तेव्हा त्यात उकडलेली अंडी घाला आणि परत तीन मिनिटे ढवळा. आता अजून थोडे पाणी घाला आणि व्यवस्थित एकत्र करा.